Recientemente EPI studentenraad a tene su Fun Walk & Run 5 KM rond den Oranjestad.
Pa cu esaki a recauda fondo y a haya algun sponsor. Meta di esaki tabata pa haya fondo pa por cumpra instrument di brassband pa EPI Band. No a logra e meta completamente ainda, pero lo sigui traha pa yega na dje. Loke si a haya tabata e uniform pa e EPI band. Pa esaki a crea prototypo di logo y asina studentenraad por a wak y dicidi cual elo a bira. Cu ayudo sponsor a logra pa print t-shirt y caps y ta gradici Aruba Bank NV cu a sponsor esakinan. Awe oficialmente a ricibi e uniform di EPI Band cu nan logo y diseño.
Danki na e art designer Lisa T. cu a yuda den esaki. Por bisa cu a logra recauda 900 florin cual mitar a bay pa sociaal fonds di EPI y e otro ta tene pa asina por yega na e suma pa por cumpra e instrument nan pa e brassband.
Pa e actividad di 24 juni 2023 nos ta yama danki tambe na sponsor di Banco di Caribe NV, SETAR NV, AWE24.COM, SUPERFOOD NV, NAGICO NV y muy en particular tur esnan cu a cumpra carchi. Studentenraad ta e bos di studiantenan na EPI, asina ta tur studiante por acudi serca nan representantenan pa cualkier pregunta of ideanan.
