DIABIERNA – 16 juli 2023
Unit H&T a organisa un expo ‘Wonder of the world’ den auditorium di Colegio EPI caminda cu studiantenan di e opleiding LTH a duna presentacion y a promove nan destinacion. Aki por a wak e creatividad y tambe e profesionalismo di cada grupo. Mientras cu varios studiante y personal di Colegio EPI mes a pasa admira e expo, e trabao di e studiantenan tabata wordo evalua pa un punto pa finalisa e modulo.
Docente Zahaira a expresa palabra di gratitud na tur colega y persona cu a yuda haci esaki posibel. Y a laga sa cu e ta orguyoso di e studiantenan cu a bay e ‘extra mile’ cu nan presentacion.